আছিনআয়াং মানে কি আপুনি সম্ভৱতঃ জানে পিছে, ঙ ম আইপ’ মাদাক মানে কি আপুনি নাজানিবও পাৰে ঙ ম আইপ’ মাদাক বুলি কৈ অসমৰ এটা জনজাতিয়ে কিন্তু প্ৰেম নিবেদন কৰে জনজাতিটো হৈছে মিচিং সচৰাচৰ নৈপৰীয়া জনজাতিটোক প্ৰতি বাৰিষাতে বানে অত্যাচাৰ কৰে কিন্তু আকৌ অদম্য শক্তিৰে থিয় হয় তেওঁলোক আজি মিচিংসকলেই পাতিছে আলি আঃয়ে লৃগাং গুমৰাগ নাচি বিভোৰ হৈছে মিচিং ৰাইজ৷ প্ৰাচীন ঐতিহ্যই যেন এদিনলৈ অসম কৰি তুলিছে উন্মনা ফাগুনৰ প্ৰথমটো বুধবাৰে পুৰাং আপং খাই নাচিছে মিচিং ডেকাই৷ অৰ্থনৈতিক দুৰাৱস্থায়ো টোকোনা কৰিব নোৱাৰা মিচিং ৰাইজক লৃগাঙৰ বতৰাই নতুনকৈ কাম কৰিবলৈ উদ্যম যোগায় কিংবদন্তি অনুসৰি দঃঞি-পঃল’ৰ কোপ দৃষ্টিত মৰ্ত্যত এবাৰ ভয়ংকৰ দুৰ্ভিক্ষ হৈছিল তেতিয়া মানৱ জাতিৰ প্ৰথম পুৰুষ আবুতানিয়ে প্ৰতিকাৰ বিচাৰি ৰৗগৃ ৰৗগামলৈ গৈছিল তেওঁ সম্পদৰ দেৱতা য়ৃঃৰ জাঃৰক দুৰ্দশাৰ কথা বিৱৰি ক’লে আবুতানিয়ে আকৌ লগতে লৈ গৈছিল তেওঁৰ কুকুৰটো৷ দুৰ্দশাৰ বতৰা পাই য়ৃঃৰ জাঃৰ শোকত ভাগি পৰিল৷ তেতিয়া আবুতানিয়ে মৰ্ত্যবাসীৰ হৈ ক্ষমা-ভিক্ষা কৰিলে৷ প্ৰায়শ্চিত্তৰ বাবে দঃঞি-পঃল’ই শুভ দৃষ্টি ৰাখিলে দবুৰ পূজা, পঃৰাগ উৎসৱ পাতি ইষ্ট দেৱতাক সুঁৱৰি প্ৰতি বছৰে পূজা কৰিম বুলিও প্ৰতিজ্ঞাবদ্ধ হ’ল তেতিয়া দঃঞি-পঃল’ই আবুতানিক মৰ্ত্যলৈ ঘূৰাই পঠোৱাৰ দিহা কৰিলে তাৰ বাবে য়ৃঃৰ জাঃৰই আবতানিয়ে লগত নিয়া কুকুৰটোৰ দুই কাণত দুটা বীজ গুজি দি মৰ্ত্যলৈ নিৰাপদে নিব পৰাৰ ব্যৱস্থা কৰি দিলে সেইমতে আবুতানিয়ে পৃথিৱীলৈ উভতি বীজ দুটা মাটিত ৰোপণ কৰিলে৷ দেৱতাক উপাসনা কৰি শইচ ৰোপণ কৰাৰ পিছতে পৃথিৱী সেউজ হৈ পৰিল সেই প্ৰবাদ অনুসৰি ফাগুনৰ প্ৰথমটো বুধবাৰে হৈ আহিছে আলি আঃয়ে লৃগাং এতিয়াও লৃগাঙৰ পুৰাং আপিন বনাবৰ বাবে জংগলৰ পৰা কৌপাত গোটায় মিচিং গাভৰুৱে মুৰংঘৰত ৰঙচুৱা দুগালৰ লাহৰি মিচিং কনেঙে পৰিৱেশন কৰে আপং ডেকাবোৰে জোৰে নিঃতম৷ আজি নিঃতমৰ সুৰত মুখৰিত অসমত উঠিছে উৎসৱৰ ৰাগ আমিও মিচিং ৰাইঝক জনালো আলি আঃয়ে লৃগাঙৰ শুভ কামনা৷
0
