মোহন ভগৱতৰ অপাৰেশ্যন ত্ৰিশূল

দিল্লী আৰু মহাৰাষ্ট্ৰৰ পুনৰাবৃত্তি হ’ব অসমত৷ ২০২৬ত বিজেপিৰ হৈ অসমতো নিৰ্বাচনী অভিযান চলাব RSSয়ে৷ বিজেপি নেতৃত্বই নিৰ্বাচনী প্ৰচাৰৰ পৰিকল্পনা কাৰ্যকৰীহে কৰিব৷ পিছে নেপথ্যৰ পৰা অভিযান নিয়ন্ত্ৰণ কৰিব RSSয়ে৷
দিল্লীৰ শেহতীয়া বিধানসভা নিৰ্বাচনত ৫০ হাজাৰোধিক স্বয়ংসেৱকে বিজেপিৰ হৈ প্ৰচাৰ চলাইছিল৷ পাৰ্কৰ পৰা মন্দিৰলৈ সৰ্বত্ৰ অনুষ্ঠিত হৈছিল সভা৷
এইবাৰ অসমতো অনুৰূপভাৱে তৃণমূল স্তৰৰ পৰা চলিব প্ৰচাৰাভিযান৷ বিজেপি আৰু সংঘই ইতিমধ্যে অপাৰেশ্যন ত্ৰিশূল নামৰ ৰাজনৈতিক অভিযান ঘোষণা কৰিছে৷ যাৰ ভিত্তিত সংঘৰ হাজাৰোধিক কৰ্মীয়ে বিজেপিক সহায় কৰিব৷
এই অভিযানৰ জৰিয়তে নৰেন্দ্ৰ মোদীৰ ৰাজনৈতিক ক্ষমতাও RSSয়ে কাঢ়ি লৈছে৷ সংঘই বিজেপিৰ বাবে তৈয়াৰ কৰিছে ষ্ট্ৰেটেজী৷ প্ৰধানমন্ত্ৰীক কেৱল সেই পৰিকল্পনা কৰাযকৰী কৰাৰহে দায়িত্ব দিয়া হৈছে৷
সমগ্ৰ অভিযান কেন্দ্ৰীয়ভাৱে নিৰীক্ষণ কৰিছে মোহন ভগৱতে৷ তেওঁ কেশৱ ধামৰ জৰিয়তে প্ৰতিখন ৰাজ্যৰ পৰাই খবৰ লৈ আছে৷
তদানুসৰি ২০২৬ৰ নিৰ্বাচনৰ বাবে অসমতো আৰম্ভ হৈছে RSSৰ কুচকাৱাজ৷ বৰ্তমান সংঘই শদিয়াৰ পৰা অভিযান চলাইছে৷ শেহতীয়াকৈ শদিয়াৰ চপাখোৱাত অনুষ্ঠিত হৈছিল সংঘৰ শিবিৰ৷ ইয়াৰ পিছত মাজুলীতো শেহতীয়াকৈ সংঘৰ সমাৱেশ অনুষ্ঠিত হৈছে৷
অৰ্থাৎ সংঘই বজাইছে ৰণদুন্দুভি৷ বিজেপিৰ পৰা RSSয়ে তৈয়াৰ কৰিছে সুবিধাজনক ৰাজনৈতিক পৰিৱেশ৷

Please follow and like us:

0