বলীউডৰ চিনেমাতো হ’ব নায়িকা

হৰিণী নয়না চকুৱেই ভাগ্য সলনি কৰি পেলালে মনালিছাৰ৷ কুম্ভমেলাৰ ভাইৰেল গাৰ্ল মনালিছা হৈ পৰিল অজস্ৰ পুৰুষৰ ড্ৰীমগাৰ্ল৷
বৰনাৰ্জীৰ মালা বেচি দুপইচা উপাৰ্জন কৰা মনালিছাক বিচাৰি হাবাথুৰি খাইছে চিনেমাৰ প্ৰযোজকে৷ তেওঁক মডেল সাজি নামি-দামী ফটোগ্ৰাফাৰে কৰিছে ফটোছেশ্য়ন৷
বৰ্তমান বলীউডত আত্মপ্ৰকাশৰো পথ প্ৰশস্ত হৈছে মনালিছাৰ৷ কৃষ্ণবৰ্ণৰ সুন্দৰীগৰাকীক পৰৱৰ্তী চিনেমাৰ বাবে পৰিচালক সৰোজ মিশ্ৰই চুক্তিবদ্ধ কৰিছে৷ তেওঁক দিয়া হৈছে কোটিৰ ঘৰত টকা৷
শেহতীয়াকৈ কেৰালাত এখন জুৱেলাৰী মনালিছাই মুকলি কৰিছিল৷ এই অনুষ্ঠানত তেওঁ পৰিধান কৰিছিল গুলপীয়া লেহেংগা৷ উক্ত অনুষ্ঠানত অঘৰী যুৱতী মনালিছাই উদ্দাম নৃত্য কৰিছিল৷ তাতে মনালিছাক হীৰাৰ নেকলেছ উপহাৰ দিছে আয়োজকে৷
ইন্দোৰৰ বস্তিৰ পৰা বলীউডলৈ উত্তৰণ ঘটা ষোড়শী সুন্দৰী মনালিছাই ফাইভ ষ্টাৰ হোটেলত থাকিবলৈয়ো সুবিধা পাইছে৷ বলীউডৰ চিনেমাৰ প্ৰযোজকে মনালিছাক ৰাখিছে অভিজাত হোটেলত৷
মহা কুম্ভৰ পৰা আধাতে প্ৰস্থান কৰা মনালিছাক উপহাৰ দিয়া হৈছে আধুনিক গাড়ী৷ বৰ্তমান নিজা গাড়ীতহে ভ্ৰমণ কৰিছে তিলোত্তমা মনালিছাই৷
সৌসিদিনালৈ বস্তিবাসী মনালিছাক পুষ্পা-৩ত অভিনয় কৰিবলৈয়ো প্ৰয়োজকে প্ৰস্তাৱ দিছে৷ যদি সম্ভৱ হয় তেন্তে তেওঁ আল্লু অৰ্জুনৰ বিপৰীতেও অভিনয় কৰিব৷

Please follow and like us:

0