ঢোলৰ চাপৰত সকলোৱে নাচিছে গুমৰাগ পঃৰ আপঙৰ মিঠা নিচাই ৰঙীণ কৰি তোলা বুঢ়া-মেথাই পূজিছে দঞি পল’ক- বিচাৰিছে পূৰ্বজৰ আশিস কাৰণ আজি যে আলি আঃয়ে-লৃগাং ফাগুণৰ পহিলা বুধবাৰে লৃগাঙলৈ কোনো মিচিং তৰুণীয়ে আপোনাক নিমন্ত্ৰণ জনোৱাৰ গীত আপুনি শুনিছে৷ (ফাগুণত আহিবা লৃগাং চাবলৈ…ফাগুণী বতাহে আদৰি অনা উছৱত আজি মিচিং ৰাইজে আয়োজন কৰিছে বৰভোজ অৱশ্যে ভোজৰ পূৰ্বেই পালিছে লৃগাঙৰ বিধি নিয়ম অনুসৰি পুৱাই পথাৰত ইগিন নামৰ সজুলিত লৃগাঙৰ প্ৰয়োজনীয় সামগ্ৰী অৰ্পণ কৰিছে৷ বন্তি জ্বলাই পূৰ্বপুৰুষৰ বাবে যাচিছে নৈবেদ্য আৰধ্য দঞি-পল’, কাৰ্ছিং-কাৰ্তাঙক সাক্ষী কৰি মিচিং ডেকা-গাভৰুৱে ধৰিত্ৰী শস্য-শ্যামলা হোৱাৰ মানসেৰে কৰিছে পূজা অৱশ্যে ইয়াতে শেষ হোৱা নাই লৃগাঙৰ বিধি পঃৰ আপং আৰু নঃগিন আপঙৰ মিঠা সোৱাদে আপোনপাহৰা কৰা লোকৰ বাবে প্ৰতিখন মিচিং গাঁৱতে আয়োজিত হৈছে ভোজ মিবু গালুক পৰিহিত মিচিং গাভৰুৱে প্ৰত্যেককে যাচিছে পছন্দৰ উপকৰণ সকলোকে দিছে তৰাপাতেৰে বান্ধি ৰখা পুৰাং আপিন লগৃাং নিতমঃৰ তালত সকলোৱে নাচিছে গুমৰাগ লোকবিশ্বাস অনুসৰি গমৰাগ নানাচিলে শস্য শ্যামলা নহয় পৃথিৱী সকলোৰে পাৰভঙা আনন্দ দেখি সন্তুষ্ট হৈছে প্ৰকৃতিৰাণী
0
