ঘটনাতো আচলতে মোদীয়ে কোৱাৰ দৰে ইমান সহজো নহয় ৰাষ্ট্ৰপতি হোৱাৰ পিছতে ট্ৰাম্পৰ সেনাই কলম্বিয়াৰ অনুপ্ৰৱেশকাৰীক হাতত হাতকেৰেয়া, ভৰিত শিকলি বান্ধি ঘূৰাই পঠিয়াইছিল৷ সেইই খবৰ পোৱা মাত্রেই X যোগে ট্ৰাম্প চৰকাৰক হুমকি দিলে কলম্বিয়াৰ বাওঁপন্থী ৰাষ্ট্ৰপতি গুস্তাভ’ পেট্ৰ’ৱে। ৰাষ্ট্ৰপতিগৰাকীয়ে লিখিলে মোৰ দেশৰ নাগৰিকৰ প্ৰতি অপৰাধীৰ দৰে ব্যৱহাৰ কৰিব নোৱাৰিব। কলম্বিয়াৰ নাগৰিকক লৈ অহা আমেৰিকাৰ বিমানক মই মোৰ দেশত অৱতৰণ কৰিবলৈ নিদিও। মই প্ৰব্ৰজনক সমৰ্থন নকৰোঁ৷ কিন্তু এজন প্ৰব্ৰজনকাৰী অপৰাধী হ’ব নোৱাৰে। আমি আমাৰ বিমানেৰে কলম্বিয়াৰ নাগৰিকসকলক লৈ আহিম। কথামতেই কাম কৰিলে তেওঁ। আদবাটৰ পৰাই উভতি গ’ল কলম্বিয়াৰ প্ৰব্ৰজনকাৰীক লৈ অহা আমেৰিকাৰ সামৰিক বিমান। লগে লগে ট্ৰাম্পেও ভাবুকি দিলে কলম্বিয়াৰ ৰাষ্ট্ৰপতিক। কলম্বিয়াৰ পৰা আমেৰিকালৈ যোৱা সকলো সামগ্রীৰ ওপৰত ২৫ শতাংশ শুল্ক আৰোপ কৰিব বুলি ঘোষণা কৰিলে৷ ট্ৰাম্পৰ হুমকিৰ পিছত পেট্ৰ’ৱেও শুল্কৰ ঘোষণা কৰিলে৷ স্বাভিমানৰ যুদ্ধত জয়ী হ’ল গুস্তাভ’ পেট্ৰ’। কিন্তু শিকলিৰে বান্ধি ভাৰতীয়ক অমৃতসৰত নমাই দিয়াৰ পিছতো নীৰৱে আছে মোদী আনকি ১২ তাৰিখে আমেৰিকালৈ তেওঁ যাবলৈ ওলাইছে স্বাভিমানৰ যুদ্ধত হাৰ মানিছে মোদীয়ে৷
0
