ৰাজ্যত কংগ্ৰেছ লাগিলে ৰসাতলে যাওক, কথা নাই, এইবাৰ কিন্তু MLA হ’বই ভূপেন বৰা APCC সভাপতিয়ে বিধায়ক হ’বলৈ কঁকালত টঙালি বান্ধি লৈছে বিহপুৰীয়া বিধানসভাৰ পিছত তেজপুৰ লোকসভাৰ পৰাও পৰাস্ত হোৱা ভূপেন বৰাই সদনত প্ৰৱেশ কৰিবলৈ এতিয়াৰ পৰা আৰম্ভ কৰিছে কুচকাৱাজ বহুদিন দলীয় দায়িত্ব পালন কৰি বিৰক্ত হোৱা ভূপেন বৰাই কাৰ্যকালৰ শেষ সময়ছোৱাত চলাইছে বিধায়ক হোৱাৰ চেষ্টা এইবাৰ তেওঁৰ লক্ষ্য হৈছে লখিমপুৰৰ নৱগঠিত ৰঙানদী অৱশ্যে APCCৰ সভাপতি হ’লেও MLA হ’বলৈ ভূপেন বৰাৰ এতিয়া শক্তি নাই লখিমপুৰত গণভিত্তি হেৰুওৱা ভূপেন বৰাই সেয়ে বৰ্তমান আনৰ হাতে-ভৰিয়ে ধৰিছে ৰঙানদী সমষ্টিত শেহতীয়াকৈ পিতৃ বগীৰাম বৰাৰ সোঁৱৰণত ভূপেন বৰাই নিৰ্মাণ কৰিছিল এটা প্ৰেক্ষাগৃহ ৰাজনৈতিক জীৱনৰ অন্তিম যুদ্ধৰ বাবে সাজু হোৱা ভূপেনে সাংসদ অজিত ভূঞা, ৰকিবুল হুছেইন আৰু লুৰীণজ্যোতি গগৈক লগত লৈ গৈ এই প্ৰেক্ষাগৃহটো মুকলি কৰিছিল কিন্তু তথাপি ৰঙানদীত ভূপেন বৰা নিশ্চিন্ত বুলি কোনোপধ্যেই ক’ব নোৱাৰি৷ নৱগঠিত সমষ্টিটোত পূৰ্বৰ নাওবৈচাৰ মিঞাপ্ৰধান এলেকা যোগ কৰা হৈছে লগতে কিন্তু আছে বিহপুৰীয়া আৰু লখিমপুৰৰো সৰহীয়াসংখ্যক ভোটাৰ৷ এইসকলে ভূপেন বৰাক মানি লোৱাৰ দিশত সন্দেহ আছে৷ কাৰণ বিগত সময়ত বিহপুৰীয়াতে ধাৰাবাহিকভাৱে পৰাস্ত হৈছিল ভূপেন বৰা পিছে সমন্বয়ৰ বাৰ্তা লৈ ভূপেন বৰাই আনৰ সাংসদ পুঁজিৰে লখিমপুৰত পিতৃৰ নামত সাজিছে প্ৰেক্ষাগৃহ ইমানদিনে বিধায়ক হৈ থকাৰ পিছতো কৰিবলৈ আহৰি নোপোৱা কাম এতিয়া আনৰ পইচাৰে ভূপেন বৰাই সম্পাদন কৰিছে পিছে এই কথাটোক লৈ ৰকিবুল হুছেইনৰ বিৰুদ্ধে ধুবুৰীত হৈছে প্ৰতিবাদ৷ ধুবুৰীৰ সাংসদ পুঁজিৰে তেওঁ লখিমপুৰত কিয় কাম কৰিলে বুলিও বহুতে সুধিছে প্ৰশ্ন৷
0
