ৰাইজ
ঘটনা বিষম হৈছে কাৰোবাক ধন দাবীৰ গোচৰত আৰক্ষীয়ে কোনোবা সাংবাদিকক গ্ৰেপ্তাৰ কৰিছিল পিছলৈ এৰি দিলে কিন্তু কথাটো সিমানতে সমাপ্ত কৰিব পৰা নহয় এতিয়াই এই অতপালি ৰোধ নকৰিলে অনাগত সময়ত অশিক্ষিত সাংবাদিক ৰাইজৰ বাবে দিন ডকাইত হৈ পৰিব আৰক্ষীয়ে গ্ৰেপ্তাৰ কৰা কুন্দন ভৰালী আৰু পৰিস্মিতা শইকীয়া নামৰ সাংবাদিক দম্পতিৰ বিৰুদ্ধে পূৰ্বেও অভিযোগৰ শেষ নাছিল৷ বিগত সময়ত এটা অনলাইন প্ৰতিষ্ঠানৰ কৰ্মচাৰীয়ে মদ খাই ৰাস্তাত উদ্ভণ্ডালি কৰাৰ বাবে কৰ্তৃপক্ষৰ পৰা তেওঁলোকে ধন বিচাৰিছিল৷ এইটো মাত্ৰ এটা উদাৰহণহে এটা সংবাদ প্ৰতিষ্ঠানৰ অনুষ্ঠান আয়োজনৰ বাবে ধিঙৰ চৰকাৰী অফিচতো তেওঁলোকে ধন সংগ্ৰহৰ চেষ্টা কৰিছিল৷ এনে অলেখ অপকৰ্মৰ উদাহৰণ তেওঁলোকৰ বিৰুদ্ধে আছে৷
কিন্তু কথাটো অকল সেইটোৱেই নহয়৷ দৰাচলতে ক্লাছ এইটলৈ পঢ়া পৰিস্মিতাৰ দৰে মহিলা হঠাৎ সাংবাদিক হৈ পৰাৰ আঁৰত কাহিনী আছে৷ হাতত বুম লৈ সোণৰ খনি খান্দি ফুৰা এইগৰাকী মহিলা পূৰ্বে আছিল আন সাংবাদিকৰ কালেকশ্যন এজেণ্ট কিন্তু সুবিধাৰ বিষয়ে তলা-নলা পোৱাৰ পিছত তেওঁ নিজাকৈ কৰিবলৈ ল’লে সাংবাদিকতাৰ ব্যৱসায় অসমৰ এখন বিশেষ জিলাত কেবাজনো জ্যেষ্ঠ সাংবাদিকে নিজৰ সুবিধাৰ্থে কেইগৰাকীমান মহিলাক নিয়োজিত কৰিছে তেওঁলোকে মহিলা হিচাপে আনে কৰিব নোৱাৰা কামবোৰ কৰি ফুৰে৷ প্ৰথমে নিয়োগকৰ্তা সাংবাদিকৰ হৈ তেওঁলোকে কৰে কালেকশ্যন পিছলৈ এই মহিলা কিন্তু ওপৰৱালা সাংবাদিকৰ বাবে ফ্ৰেংকেনষ্টাইন হিচাপে পৰিগণিত হয় দালালি কৰি পোৱা ধনেৰে তেওঁলোকে সঘনাই বৰফৰ মাজত ফুৰা-চকা কৰে৷ সেইবোৰৰে ফটো আপলোড কৰি ফে’চবুকত লয় লাইক-কমেণ্ট৷ তেনেকৈ স্থানীয় সমাজত তেওঁলোক হৈ পৰে পৰিচিত ব্যক্তি কিন্তু এতিয়াই ব্যৱস্থা নল’লে তেওঁলোকৰ বাবে কেমেৰা আৰু বুমটো পিছলৈ কোনো ওলাব নোৱাৰা হ’ব অফিচাৰক এৰি সাংবাদিকে যেতিয়া মাষ্টৰক ধৰিলে, তেন্তে ঘটনা সঁচাকৈ ঘায়েল হৈছেগৈ
0
