প্ৰৱেশ বাৰ্মাক মুখ্যমন্ত্ৰী পদৰ প্ৰাৰ্থী হিচাপে উপস্থাপন কৰিবলৈ যদিও বিজেপিয়ে নিশ্চিত কৰিব পৰা নাই তেওঁৰ অভিষেক৷ চাহিব সিং বাৰ্মাৰ পুত্ৰকে যে দিল্লীৰ সৰ্বোচ্চ ক্ষমতা প্ৰদান কৰিব সেয়া এতিয়াও প্ৰধানমন্ত্ৰীয়ে খাটাং কৰা নাই৷ এবাৰ বিধায়ক আৰু দুবাৰৰ সাংসদগৰাকীয়ে বাজীমাৎ কৰিলেও উচ্চাৰিত হৈছে কেবাজনো প্ৰতিদ্বন্দ্বীৰ নাম৷ এইসকলৰ ভিতৰত অন্যতম হৈছে আশিস সুদ৷ তেওঁ বিজেপিৰ গোৱা আৰু জম্মু-কাশ্মীৰৰ তত্ত্বাৱধায়ক হিচাপে দায়িত্ব পালন কৰিছিল৷ এইবাৰ সুদ জনকপুৰৰ পৰা বিজয়ী হৈছে৷ অসম বিজেপিৰ সহকাৰী তত্ত্বাৱধায়ক পৱন শৰ্মাও শেষত দিল্লীৰ মুখ্যমন্ত্ৰী হ’বগৈ পাৰে৷ তেওঁৰ হৈ উত্তম নগৰত হিমন্ত বিশ্ব শৰ্মায়ো প্ৰচাৰ কৰিছিল
vo-ৰোহিণীৰ পৰা বিজয়ৰ হেটট্ৰিক কৰা বিজেন্দ্ৰ গুপ্তাৰ নামো হাইকমাণ্ডে গুণাগঁথা কৰিছে৷ আৰ এছ এছৰ সৈতে ঘনিষ্ঠতাৰ সূত্ৰ নাম উচ্চাৰিত হৈছে সতীশ উপাধ্যায়ৰো৷ তেওঁ সংঘৰ প্ৰক্ষেপিত প্ৰাৰ্থী হিচাপে মালব্য নগৰত বিজয়ী হৈছে৷ উপাধ্যায়ে হৰুৱাইছে আপৰ শীৰ্ষ নেতা সোমনাথ ভাৰতীক৷ লগতে তেওঁ হৈছে মধ্যপ্ৰদেশ বিজেপিৰ তত্ত্বাৱধায়ক৷ পূৰ্বে সুষমা স্বৰাজে শাসন কৰা দিল্লীত বিজেপিয়ে মহিলা মুখ্যমন্ত্ৰী নিয়োগৰো বিবেচনা নকৰা নহয়৷ গতিকে অভিজ্ঞ ৰেখা গুপ্তাও হৈ পৰিছে হট ফেভাৰিট৷ শালীমাৰ বাগৰ বিধায়িকাগৰাকীয়ে পূৰ্বে দিল্লী বিশ্ববিদ্যালয়তো সংগঠন পৰিচালনা কৰিছিল৷ তেওঁৰ প্ৰতিদ্বন্দ্বী হৈছে প্ৰবীণ বিজেপি নেত্ৰী শিখা ৰাই৷ আপৰ হেভিৱেইট প্ৰাৰ্থী সৌৰভ ভৰদ্বাজক হৰুওৱা নেত্ৰীগৰাকীও বিজেপি হাইকমাণ্ডৰ চকুত পৰিছে৷ গতিকে প্ৰৱেশ বাৰ্মাৰ অভিষেকক লৈ উদ্ৰেক হৈছে সন্দেহ৷ অৱশ্যে এতিয়াই দলটোৱে মুখ্যমন্ত্ৰী বাছনি নকৰে বুলি সদৰী কৰিছে শীৰ্ষ সূত্ৰই৷ কিয়নো ১২ তাৰিখে প্ৰধানমন্ত্ৰী আমেৰিকা অভিমুখে ৰাওনা হ’ব৷ মোদী বিদেশৰ পৰা উভতি অহাৰ পিছতহে অনুষ্ঠিত হ’ব শপত সমাৰোহ৷
0
