বিজয়ত উল্লাস প্ৰদৰ্শন কৰিছে যদিও বিজেপিত নিয়ন্ত্ৰণ নোহোৱা হৈছে নৰেন্দ্ৰ মোদীৰ দলৰ সকলো দায়িত্ব তেওঁৰ পৰা কাঢ়ি লৈছে ৰাষ্ট্ৰীয় স্বয়ংসেৱক সংঘই৷ আনকি অমিত শ্বাহকো বিজেপিৰ অভ্যন্তৰত আৰ এছ এছে ক্ষমতাহীন কৰি পেলাইছে৷ সভাপতি হিচাপে ফাইলত চহী কৰাৰ বাদে আন কামেই নোহোৱা হৈছে জে পি নড্ডাৰ৷ দৰাচলতে লোকসভা নিৰ্বাচনৰ বিপৰ্যয়ৰ পিছত দলীয় সকলো দায়িত্বৰ পৰা অব্যাহতি দিয়া হ’ল মোদী আৰু শ্বাহক৷ সংগঠনৰ ক্ষমতা সংঘই গ্ৰহণ কৰিলে যাৰ বাবে হাৰিয়ানা আৰু মহাৰাষ্ট্ৰত আৰ এছ এছেই বিজেপিৰ প্ৰাৰ্থী বাছনিত অনুঘটকৰ ভূমিকা পালন কৰিলে তদুপৰি বিগত সময়ত দিল্লীতো আপৰ বিজয়ত নীৰৱ ভূমিকা পালন কৰিছিল সংঘই৷ ৰাজধানীৰ ৮০ শতাংশ বিজেপি নেতা ৰিয়েল ইষ্টেটৰ ব্যৱসায়ী হোৱা বাবে সংগঠনত সমস্যাৰ সৃষ্টি হৈছিল৷ সেয়ে প্ৰথমে দলৰ ভিতৰচ’ৰাত RSSয়ে প্ৰথমে অভিযান চলালে৷ নৰেন্দ্ৰ মোদীৰ অপছন্দৰ পিছতো প্ৰৱেশ বাৰ্মাক মুখ্যমন্ত্ৰী পদৰ প্ৰাৰ্থী হিচাপে প্ৰক্ষেপ কৰা হ’ল৷ তাৰ পিছতহে প্ৰচাৰ চলাবলৈ অনুমতি দিয়া হ’ল প্ৰধানমন্ত্ৰীক অনাগত সময়তো সংঘৰ জৰিয়তেই দিল্লীৰ মন্ত্ৰীসভা গঠন কৰা হ’ব৷ এই বিষয়ত মোদী অথবা অমিত শ্বাহৰ কোনো কৰ্তৃত্ব নাথাকে৷ এতিয়াও মোদীক সংঘই দিল্লীত নিজ ইচ্ছামতে কাম কৰিবলৈ দিয়া নাই RSSৰ ইচ্ছা অনুসৰিহে দিল্লীত বিজেপিৰ সভা অনুষ্ঠিত কৰা হৈছে৷ দিল্লীত বিধায়িনী দলৰ বৈঠকো সংঘই অনুমোদন জনোৱাৰ পিছতহে অনুষ্ঠিত হ’ব মুঠতে বিজেপি বৰ্তমান সোমাই পৰিছে RSSৰ হাতৰ মুঠিত৷
0
