এদিনৰ বাবে পুলিচবোৰ সম্ভৱতঃ ফুল ৰুবলৈ গৈছিল পথত খাকী পোছাক পিন্ধি ৰৈ থকাবোৰৰ হাতত নাছিল ব্ৰেথ এনালাইজাৰ যৌৱনৰ মুক্ত বিচৰণৰ সুবিধাৰ্থে উঠাই দিছিল নাকা চেকিং সদায় পথত ৰৈ মদাহীৰ মুখ গুন্ধি চোৱা যন্ত্ৰবোৰ এদিনলৈ বেয়া হৈ গৈছিল নেকি নাজানোঁ, কিন্তু সৰস্বতী পূজাত ঢিলা কৰি দিয়া হ’ল পথ সুৰক্ষা৷ জিপি সিং গুচি যোৱা এসপ্তাহো নহ’ল, সৰস্বতী পূজাত ৰাজপথ দখল কৰিলে যৌৱনৰ ৰাগীত উন্মনা ৰাইডাৰে হেলমেটৰ কথাত কঠোৰ আৰক্ষীয়ে চুলি উৰুৱাই বাইকত বহি যোৱা যুৱতীকো নধৰিলে৷ নেদেখাৰ ভাও জুৰি যাবলৈ দিলে হেলমেট পিন্ধিবলৈ কঠোৰ অৰ্ডাৰ দিয়া গৃহমন্ত্ৰী হিমন্ত বিশ্ব শৰ্মায়ো বতাহী গাভৰুক দিলে হেয়াৰ ষ্টাইল প্ৰদৰ্শনৰ সুযোগ৷ পূজা-পাঠৰ পিছত বিয়েৰ পান কৰি বাইক চলোৱা ৰাইডাৰৰ মুখতো লগাই দিয়া নহ’ল পাইপ অৱশ্যে ধৰিলে লাভ আৰক্ষীৰে আছিল, কিয়নো সদায় অভাৱী যুৱকৰো পকেটত আছিল প্ৰেয়সীৰ বাবে দুপইচা কিন্তু প্ৰেয়সীৰ সন্মুখতে প্ৰেমিকক অপমানিত কৰিবলৈ একেবাৰেই নিবিচাৰে হৰমিৎ সিঙে৷ নতুন DGPয়ে পুলিচক সম্ভৱতঃ মাত্ৰ চাই থাকিবলৈহে ক’লে পথৰ আও-ভাও নতুন বছৰত পথাচাৰীৰ মুখত পাইপ ভৰাই অতিষ্ঠ কৰা পুলিচ এদিনৰ বাবে ফুল ৰুবলৈ গুচি গ’ল অৱশ্যে উদযাপনৰ অৰ্থে পুলিচে দিয়া স্বাধীনতাৰ অপব্যৱহাৰ কৰিলে এচাম উদণ্ডই৷ গুৱাহাটীত পিছবেলা অশ্লীল চিঞৰ-বাখৰেৰে জনতাক গৃহবন্দী হৈ থাকিবলৈ বাধ্য কৰিলে মদাহী বাইকাৰ্ছে মহিলা ঘৰৰ পৰা ওলাব নোৱাৰা হ’ল, ইমানেই বাঢ়িল অশ্লীল চিঞৰ তথাপি আৰক্ষীয়ে দিলে সৰস্বতী পূজাৰ উপহাৰ এদিনীয়া স্বাধীনতা!
0
