সঞ্চয়ৰ পানী নিষ্কাশন অথবা হেল-প লাইনৰ টিপ-ছক লৈ গৰম হৈ আছে অসম৷ কাৰোবালৈ ফোনটো লগালেই শুনা অস্বস্তিকৰ মাতৰ বাবে সকলোৰে খং উঠি আছে৷
পিছে জানেনে, এই বিৰক্তিকৰ কথাখিনিৰ আঁৰতো আছে এজন অসমীয়া৷
খাটী অসমীয়াৰ বাবেহে বিকৃত হৈছে অসমীয়া ভাষা৷ সেই মানুহজনৰ বাবেই আপুনি শুনিবলৈ বাধ্য হৈছে বিকৃত-কুৎসিত অসমীয়া৷
দৰাচলতে গৃহ দপ্তৰৰ নিৰ্দেশনা অনুসৰি দুম্হ পূৰ্বেই টেলিকম বিভাগে সকলো কোম্পানীলৈ জাননী প্ৰেৰণ কৰিছিল৷
সেই অনুসৰি আন ভাষাৰ লগতে অসমীয়াৰ বাবেও দূৰসংযোগ কোম্পানীবোৰে বিচাৰিছিল শুদ্ধ অসমীয়া ৰেকৰ্ডিং৷ এই কামটো কৰিবলৈ বিভাগীয়ভাৱে মুম্বাইনিৱাসী এজন অসমীয়া ব্যক্তিকে দায়িত্ব দিয়া হৈছিল৷ যাৰ সৈতে পোনপটীয়া সম্পৰ্ক আছিল এয়াৰটেল আৰু জিঅ’ৰ৷
কামটোৰ বাবে তেওঁ পাৰিশ্ৰমিকো লাভ কৰিছিল৷ কিন্তু ধন লৈয়ো আনৰ দ্বাৰা ভইচ অভাৰ দিয়াই শুদ্ধকৈ অসমীয়া ৰেকৰ্ডিং কৰিবলৈ তেওঁ প্ৰয়োজনবোধ নকৰিলে৷ পূৰ্বে ইংৰাজীত লিখা বাক্যশাৰীকে গুগলৰ জৰিয়তে অনুবাদ কৰি এ আই ভইচ অভাৰহে তেওঁ কোম্পানীক দাখিল কৰিলে৷
গতিকে বিকৃত কথাখিনিৰ বাবে কোনো টেলিকম কোম্পানীৰে দোষ নাই৷ আচল দোষটো হৈছে কামটোৰ দায়িত্ব লাভ কৰা অসমীয়া লোকজনৰ৷
ধ্ৰুপদী ভাষাকো বিকৃত কৰিবলৈ তেওঁ কুণ্ঠাবোধ নকৰিলে৷ শীঘ্ৰে সেই ব্যক্তিজনৰ বিষয়ে আমি ফাদিল কৰিম সবিশেষ তথ্য৷
