আপোনাৰ দেখোন লিভাৰ আধা শেষেই! অতিপাত ড্ৰিংকছ কৰে নেকি? এই ধৰণৰ প্ৰশ্নই অসমৰ ৫০ শতাংশ ৰোগীক সোধে হায়দৰাবাদ অথবা বাংগালুৰুৰ চিকিৎসকে শাৰিৰীক অসুস্থতাই জুৰুলা কৰাৰ পিছত অসমৰ ৰোগী বৰ্হিৰাজ্যলৈ চিকিৎসাৰ বাবে যায় তাৰ পূৰ্বে সকলো বেমাৰকে গেষ্ট্ৰিক বুলি ভাবিয়েই খাই থাকে টেবলেট কিন্তু ভিতৰি ভতৰি শুকাই যোৱা লিভাৰৰ কথা গমেই নাপায় ৰোগীয়ে এয়াই ঘটি আছে অসমত৷ সুৰাৰ প্ৰচলন ব্যাপক হোৱাৰ পৰিপ্ৰেক্ষিতত অসমত বাঢ়িছে লিভাৰৰ ৰোগীৰ সংখ্যা বৰ্হিৰাজ্যত কৰ্মৰত বিশেষজ্ঞ অসমীয়া চিকিৎসকে প্ৰকাশ কৰা অনুসৰি অসমৰ পৰাই হায়দৰাবাদলৈ যায় সৰ্বাধিকসংখ্যক লিভাৰৰ ৰোগত আক্ৰান্ত যুৱক তেওঁলোকে কিন্তু প্ৰথমে গেষ্ট্ৰিক বুলি ভাবিয়েই চিকিৎসা কৰায় চিকিৎসকজনৰ তথ্য অনুসৰি কেৱল সুৰাপানৰ বাবেই অসমৰ ৯০ শতাংশ লোক লিভাৰৰ ৰোগত আক্ৰান্ত হৈছ এইসকলৰ ৪০ শতাংশ আকৌ লিভাৰ চিৰ’ছিছত আক্ৰান্ত যি ৰোগৰ নাই কোনো চিকিৎসা৷ অৰ্থাৎ লিভাৰ সংৰোপণেই একমাত্ৰ পথ কিন্তু মদে যে অসমৰ যুৱচামৰ এটা প্ৰজন্মক ধ্বংস কৰিছে সেয়া বিশেষজ্ঞ চিকিৎসকৰ মন্তব্যই প্ৰমাণিত কৰিছে বিশেষকৈ জীৱন-জীৱিকাজনিত হতাশাৰ ফলত অধিকাংশ যুৱকে পান কৰিবলৈ লৈছে সস্তীয়া সুৰা চিকিৎসকে প্ৰকাশ কৰা মতে বিশেষকৈ দিনৰ ভাগত সুৰাপানৰ অভ্যাসে অসমৰ একাংশ যুৱকৰ অধিক হানি কৰিছে পুৱাৰ পৰা মদ্যপান কৰি থকাৰ বাবে শুকাইছে লিভাৰ৷
0
