চৰ্বীহীন শৰীৰ বিশাল ফুকনে কি কৰি আছে?
চুমি বৰাৰ কথা সকলোৱে পাতিছে৷ গুৱাহাটী চেণ্ট্ৰেল জে’লত থকা চুমিৰ বিষয়ে ওলাইছে বাতৰি৷ কিন্তু চুমিয়ে পাতি লোৱা ভায়েক বিশালৰ খবৰহে কোনেও লোৱা নাই৷
২২০০ কোটি টকাৰ মালিক বিশালৰ খবৰ কিন্তু দিছে গুৱাহাটী চেণ্ট্ৰেল জে’লৰ সূত্ৰই৷ আমি লাভ কৰা খবৰ অনুসৰি হঠাতে অত্যন্ত স্বাস্থ্য সচেতন হৈ পৰিছে বিশাল ফুকন৷
ট্ৰেডিং কেলেংকাৰিৰ মাষ্টাৰ মাইণ্ড বিশাল আৰু তাৰ্কিক ফুকন পৃথক জে’লত আছে৷ কিন্তু আদালতত হাজিৰ কৰিবলৈ নিয়াৰ সময়তো বিশালক মতা নাই চুমি বৰাই৷
আগতে বিলাসী জীৱন কটোৱা বিশালে জে’লতে কৰিছে পুছ-আপ৷ চেলৰ ভিতৰত দিনটো ব্যায়াম কৰিয়েই আছে বিশালে৷
ক্ষীণকায় শৰীৰ যুৱকজনে শকত হোৱাৰ চেষ্টা কৰিছে৷ এতিয়া জে’লত সময় পাই তেওঁ বুকডাউন মাৰিছে৷
চেলৰ মজিয়াত তেওঁ কৰিছে একাধিক অনুশীলন৷ জিমৰ দৰে শাৰিৰীক অভ্যাস কৰিছে জে’লত৷
কিন্তু চুমিক কেবাবাৰো মাতিবলৈ চেষ্টা কৰি বিফল হৈছে বিশাল৷ কাৰাগাৰলৈ আৰক্ষীয়ে বাছত একেলগে নিয়াৰ সময়তো তেওঁ মাতিছিল পাতি লোৱা বায়েক চুমিক৷
কিন্তু তেতিয়াও বিশাললৈ উভতিয়েই নাচালে চুমিয়ে৷ সেয়ে এতিয়া নিজকে ব্যস্ত ৰাখিবলৈ চেষ্টা কৰিছে বিশালে৷ মনৰ দুখ পাহৰিবলৈ তেওঁ মাৰিছে পুছ-আপ৷
