কোনেও বিশ্বাস নকৰে দৰাৰ মাক বুলি৷ কইনা আনিবলৈ ওলোৱা দৰাৰ মাক ইমান গাভৰু বুলি কাৰোৰে বিশ্বাসেই নহয়৷ কিন্তু অবিশ্বাস্য হ’লেও সত্য৷ ১৬ বছৰীয়া কিশোৰীৰ দৰে তেজগোৰা মহিলাগৰাকীয়েই হৈছে দৰাৰ মাক৷
নাম তেওঁৰ অৰুণিমা দত্ত৷ যোগ ষ্টুডিঅ’ (য়গা বুলি পঢ়িব)ৰ প্ৰতিষ্ঠাপক এইগৰাকী মহিলা৷ তদুপৰি যোগাসনৰ প্ৰশিক্ষক হিচাপেও অৰুণিমাই সুনাম অৰ্জন কৰিছে৷
সুন্দৰী মহিলাগৰাকীৰ ইনষ্টাগ্ৰামত আছে প্ৰায় ১ লাখ ৩০ হাজাৰ ফল’ৱাৰ৷ কিন্তু পুত্ৰৰ বিবাহৰ বাবেহে তেওঁ লাভ কৰিছে চৰ্চা৷ সকলো আচৰিত হৈছে অৰুণিমাৰ ৰূপৰ যাদুত৷
ঐশ্বৰ্য ৰায় অথবা এঞ্জেলিনা জলিকো হৰুৱাই দিব পৰাকৈ ধুনীয়া অৰুণিমাক দেখি কোনেও বিশ্বাস কৰিব পৰা নাছিল তেৱেঁই দৰাৰ মাক বুলি৷ প্ৰথম দৃষ্টিত মাত্ৰ ২০ বছৰীয়া যুৱতী যেন লগা অৰুণিমাকে কইনা বুলিয়েই সকলোৱে ভাবিছিল৷
সেয়ে অৰুণিমা হৈ পৰিছে ইনষ্টাগ্ৰামৰ আকৰ্ষণ৷ তেওঁকে সকলোৱে নয়ন ভৰি চাই আছে৷ যোগাসনৰ প্ৰশিক্ষকগৰাকী হৈ পৰিছে ভাইৰেল৷
বায়’গ্ৰাফী অনুসৰি অৰুণিমাৰ জন্ম কিন্তু ১৯৬৮ চনত৷ পিছে তেওঁ এতিয়াও হৈ আছে ২০ বছৰীয়া যৌৱনমতী কিশোৰীৰ দৰেই ৰূপৱতী৷
