সংগীহীনতাত ভুগিছে মালাইকা আৰোৰাই৷ বয়সত বহু সৰু প্ৰেমিক অৰ্জুন কাপুৰে ইতিমধ্যে তেওঁৰ সংগ ত্যাগ কৰিছে৷ বহু অন্তৰংগ মুহূৰ্ত একেলগে কটোৱাৰ পিছত মালাইকাৰ কাষৰ পৰা আঁতৰি গৈছে অৰ্জুন কাপুৰ৷
পূৰ্বৰ স্বামী আৰবাজ খানৰ সৈতে ডিভ’ৰ্চৰ পিছত অৰ্জুনৰ বুকুত সোমোৱা মালাইকা প্ৰতাৰণাৰ বলি হৈছে৷ আনক দেখুৱাই মালাইকা বৰ্তমানো ৰঙীয়াল হৈয়েই আছে, পিছে ভিতৰি ভিতৰি তেওঁ ভাগি পৰিছে৷
সমুদ্ৰ তীৰত বিকিনি পিন্ধি ফটোৰ বাবে প’জ দিয়া মালাইকাক কিছুদিনৰ পৰা অৱহেলা কৰিবলৈ ধৰিছিল অৰ্জুনে৷ মালাইকাক অৱজ্ঞা কৰি কুশা কপিলাৰ সৈতে অ্জুনে সম্পৰ্ক স্থাপন কৰিছিল৷
সেই খবৰবোৰ ঠিকেই লাভ কৰিছিল মালাইকাই৷ বহুদিন অৰ্জুনৰ সৈতে লিভিং টুগেদাৰৰ পিছতো তেওঁ প্ৰতাৰণাৰ চিকাৰ হোৱা বুলি শুনিয়েই জ্বলি-পকি উঠিচিল মালাইকা৷
সেয়ে অৰ্জুনৰ সৈতে মালাইকাৰ দূৰত্ব হঠাতে বৃদ্ধি হৈছিল৷ অনবৰতে কাষতে থকা অৰ্জুনক হেৰুওৱাৰ বেদনাই ৫০ বছৰীয়া মালাইকাক কৰি তুলিছে দুখিত৷
বিচ্ছেদৰ বেদনা পাহৰিবলৈয়েই মালাইকাই বিদেশ ভ্ৰমণ কৰিছে৷ তথাপি পাহৰিব পৰা নাই শোক৷ সকলো উজাৰি দিয়াৰ পিছতো অৰ্জুনে কৰা প্ৰতাৰণাৰ কথা মনত পেলাই উচুপি আছে মালাইকাই৷
