ৰিয়ান পৰাগৰ দৰেই ভাগ্যদেৱী সুপ্ৰসন্ন হৈছিল কৰিশ্মা হাজৰিকাৰ প্ৰতিও৷ প্ৰতিভাৰ বলেৰে অসমৰ প্ৰথম ক্ৰিকেটাৰ হিচাপে টীম ইণ্ডিয়াত প্ৰৱেশ কৰা ৰিয়ানৰ দৰেই মুকলি হৈছিল কৰিশ্মাৰ বলীউডী কেৰিয়াৰৰ দুৱাৰ৷ অৰ্পিতা ফাৰ্ম হাউছত ছলমানে স্নেহ যাচি দিয়াৰ পিছতে সকলোৰে চিনাকি হৈ পৰিছিল অৰ্পিতা৷
লগতে বলীউডতো কৰিশ্মাৰ প্ৰৱেশ ঘটিব বুলি নিশ্চিত হৈছিল সকলো৷ ছলমানে দিয়া প্ৰতিশ্ৰুতিৰ কথাও ঘনিষ্ঠসকলক জনাইছিল সুন্দৰী কৰিশ্মাই৷ বন্ধুমহলে প্ৰকাশ কৰা অনুসৰি কৰিশ্মাক বলীউডত প্ৰতিষ্ঠা কৰাৰ দায়িত্ব গ্ৰহণ কৰিছিল ছলমানে৷ কেটৰিনাৰ দৰেই অসমৰ কৰিশ্মাকো চিনেমাত নায়িকাৰ চৰিত্ৰ প্ৰদান কৰিব বুলি ছলমানে প্ৰতিশ্ৰুতি দিছিল৷
ফাৰ্ম হাউছত আলোচনাৰ পিছত কৰিশ্মাক ওজন হ্ৰাস কৰিবলৈ পৰামৰ্শ দিছিল ছলমানে৷ জিমত কঠোৰ অনুশীলন কৰি চৰ্বী হ্ৰাস কৰিবলৈ ছলমানে বিভিন্ন উপেশ দিছিল৷ সকলোবোৰ পৰামৰ্শ আখৰে আখৰে পালন কৰিম বুলিও কথা দিছিল কৰিশ্মাই৷
খবৰ অনুসৰি নৱেম্বৰৰ শেষলৈ প্ৰস্তাৱিত ছবিখনত কৰিশ্মাই স্বাক্ষৰ কৰাটো নিশ্চিত আছিল৷ ছলমানে খানে প্ৰয়োজনা কৰিবলগীয়া চিনেমাখনত নায়ক হিচাপে চুক্তিবদ্ধ কৰোৱা হৈছিল এজন ইছলামধৰ্মী নায়কক৷
কিন্তু লৰেঞ্চ বিষ্ণয়ৰ ধমকৰ পিছত ছলমানৰে অৱস্থা কাহিল হৈ পৰিল৷ পলাই পত্ৰং দিবলগীয়া হ’ল ছলমানে৷ গতিকে কৰিশ্মাৰ বলীউডী আত্মপ্ৰকাশৰ কথাও তল পৰিল৷
