অফিচাৰগিৰি প্ৰদৰ্শনৰ পৰিৱৰ্তে সৰলতাৰে ৰাইজৰ অন্তৰ জয় কৰিছে আফ্ৰিন হুছেইন নামৰ এগৰাকী যুৱতীয়ে৷ পেছাত ACS বিষয়া আফ্ৰিন হাজোবাসীৰ বাবে হৈ পৰিছে অপ্সৰাৰ দৰে৷ আফ্ৰিনৰ বাবে হাজোৰ ৰাজহ চক্ৰ বিষয়াৰ অফিচত অস্বস্তি নোপোৱা হৈছে সাধাৰণ ৰাইজে৷
সচৰাচৰ যিকোনো চৰকাৰী কাৰ্যালয়ৰ কাম সকলোৰে বাবে হৈ পৰে বিৰক্তিকৰ৷ এদিনৰ কামতে কেবাদিনো সময় খৰচ হোৱাটো হৈ পৰিছে নিয়মৰ দৰে৷
পিছে আফ্ৰিন হুছেইনে কোনো কামেই পেলাই নথয়৷ প্ৰয়োজন নহ’লে চেম্বাৰৰ ভিতৰত সোমাই ভেম দেখুৱায়ো নাথাকে বিষয়াগৰাকীয়ে৷ আনকি মজিয়াতে বহি ৰাইজৰ সমস্যা তেওঁ সমাধান কৰে৷
আনকি হাজোৰ ৫৩ বিঘা মাটি তেওঁ মিঞাৰ পৰা উদ্ধাৰ কৰি স্থানীয় ৰাইজক সকাহ দিছে৷ খিলঞ্জীয়া মুছলমানৰ মাটি দখল কৰা মিঞাক এদিনতে উচ্ছেদ কৰিছে কৰ্মদক্ষ বিষয়াগৰাকীয়ে৷
তেওঁ উপস্থিতিৰ বাবেই হাজোত সম্প্ৰতি নিষ্পত্তি হৈছে মাটি-বাৰীৰ সমস্যা৷ তেওঁৰ উপস্থিতিত অত্যন্ত সকাহ পাইছে জনতাই৷
সুন্দৰী বিষয়াগৰাকীয়ে সদায় ৰাইজমেলৰ দৰে সভা অনুষ্ঠিত কৰি পুৰণি সমস্যা সমাধান কৰিছে৷ তেওঁৰ জৰিয়তে উপকৃত হৈছে ৰাইজ৷
