GMCHত ফটোছেশ্যন চলিছে৷ অখিল গগৈৰ বেমাৰৰ খবৰ লোৱা যোৱা প্ৰতিজন লোকেই কেমেৰাৰ সন্মুখত প’জ দিছে৷ খবৰ ল’বলৈ যোৱা প্ৰতিজন আলহীৰ সৈতেই ফটো উঠিছে অখিল৷ গতিকে সুবিধা বুজি বেমাৰৰ খবৰ ল’বলৈ হাস্পতালত ভিৰ কৰিছে নেতাই৷ অখিলৰ বেমাৰৰ সুবিধা লোৱা বুলি ৰাইজক যাতে জনাব পাৰে সেয়ে ঢাপলি মেলিছে GMCHলৈ৷
বিধানসভা অধিৱেশনৰ মাজৰ পৰা ৰোগাক্ৰান্ত অখিল গগৈ এতিয়াও চিকিৎসাধীন৷ কিন্তু ফটো দেখিলে বুজা যায়, নৰিয়াপাটীতো অখিলে জিৰণিৰ সময় পোৱা নাই৷
বিছনাৰ পৰা উঠি অতিথিৰ সৈতে ফটো উঠি আছে অখিলে৷ মুখতো ৰোগৰ চিন-মোকাম নাই৷ হাঁহিমুখেৰেই অতিথিৰ সৈতে ফটোৰ প’জ দিছে অখিলে৷
মুখ্যমন্ত্ৰীৰ পৰা মানস বৰালৈ প্ৰত্যেকেই অখিলৰ বেমাৰৰ খবৰ লৈছে৷ AIUDFৰ বিধায়কেও স্বাস্থ্যৰ বুজ লৈছে অখিলৰ৷ গতিকে হাস্পতালত তেওঁ জিৰণি পোৱা নাই৷
ৰাজনৈতিক শুভাকাংক্ষা প্ৰদৰ্শনৰ বাবে অখিলৰ ওচৰলৈ বিৰোধী দলৰ নেতায়ো ঢাপলি মেলিছে৷ প্ৰতিজন আলহীৰে ফটো অখিলে ফে’চবুকত আপলোড কৰাৰ ফলত হাস্পতালত বাঢ়িছে ভিৰ৷
