হঠাতে ওলাইছে প্ৰিয়ংকা চোপ্ৰাৰ বিচ্ছেদৰ বতৰা৷ আমেৰিকানিৱাসী দেশী গাৰ্লৰ নিক জোনাছৰ সৈতে ব্ৰেক-আপ হ’ব বুলি বলীউডত প্ৰচাৰিত হৈছে৷ বয়সত ১০ বছৰে সৰু স্বামী নিকৰ কাণ্ডত প্ৰিয়ংকা অতিষ্ঠ বুলিও প্ৰচাৰ কৰিছে পেইজ-থ্ৰীৰ সাংবাদিকে৷ গতিকে এতিয়া ঘুনুক-ঘানাককৈ ওলাইছে বিচ্ছেদৰ খবৰ৷
বিগত কিছুদিন ধৰি ভাৰতলৈ অহা যোৱা বাঢ়িছে প্ৰিয়ংকা চোপ্ৰাৰ৷ এসময়ৰ বলীউডৰ ব্যস্ত অভিনেত্ৰীগৰাকীয়ে সঘনাই মুম্বাইৰ পৰা নিউয়ৰ্কলৈ ভ্ৰমণ কৰিছে৷ তেনে সময়তে ওলাইছে বিচ্ছেদৰ বাৰ্তা৷
কন্যাৰ প্ৰতিপালনত ব্যস্ত হ’লেও নিকৰ সৈতে সংসাৰ কৰি প্ৰিয়ংকা অসন্তুষ্ট বুলি প্ৰকাশ কৰিছে চকুচৰহা সাংবাদিকে৷ বহুতৰে মতে আমেৰিকান নিকৰ চৰিত্ৰই বিতুষ্ট কৰিছে প্ৰিয়ংকাক৷
তদুপৰি প্ৰিয়ংকা চোপ্ৰাৰ পৰিয়ালৰ সৈতেও নিকৰ সম্পৰ্ক ভালে থকা নাই৷ প্ৰিয়ংকাৰ মাতৃৰ সৈতে তেওঁৰ সম্পৰ্ক বেয়া বুলিয়েই ক’ব পাৰি৷ সেয়ে বিচ্ছেদৰ কথা চিন্তা কৰিছে প্ৰিয়ংকাই৷
অজস্ৰ ভাৰতীয় পুৰুষৰ হিয়া ভাঙি আমেৰিকাৰ বোৱাৰী হৈ যোৱা প্ৰিয়ংকাৰ সংসাৰ হৈ পৰিছে থৰক-বৰক৷ এই খবৰে দুখিত কৰিছে অনুৰাগীক৷
অৱশ্যে ভাৰতলৈ প্ৰিয়ংকাৰ পুনৰাগমনৰ খবৰ শুনি ভালো পাইছে বহু অনুৰাগীয়ে৷ তেওঁলোকে বিচাৰিছে- চিৰদিনলৈ ভাৰততে থাকক প্ৰিয়ংকা চোপ্ৰা৷
